آستان قدس رضوی میں ملک کا سب سے بڑا قرآنی تعلیم کا مرکز   

آستان نیوز کی رپورٹ کےمطابق؛ حرم امام رضا(ع) کے صحن پیامبر اعظم(ص) میں بارہ ہزار قرآنی طلباء کا اجتماع منعقد ہوا جنہوں نے کلام اللہ مجید کی تلاوت کی تعلیم حاصل کی  ۔ 
اس عظیم الشان قرآنی اجتماع کے دوران آستان قدس رضوی کی علمی و ثقافتی آرگنائزیشن کے سربراہ اور خصوصی مناسبتوں کے انعقاد کرانے والی کمیٹی کےڈائریکٹر ڈاکٹر طالبی نے ہمارے نیوز رپورٹر سے گفتگو کرتے ہوئے کہا کہ انقلاب اسلامی کے بعد آستان قدس رضوی کا ایک اہم اعزاز مہد الرضا(ع) قرآنی مراکز کا قیام ہے  ۔ 
انہوں نے بتایا کہ مہد الرضا(ع) ایک ایسا قرآنی مرکز ہے جس میں بچے اس سے پہلے کہ اسکول میں جائیں قرآن پڑھنا سیکھتے ہیں۔ 
انہوں نے وسیع پیمانے پر ان سرگرمیوں کا ذکر کرتے ہوئے کہا کہ خداوند متعال کے لطف و کرم اور امام رضا(ع) کی عنایات سے مہدالرضا(ع) اس وقت ملک بھر میں قرآن کریم کی تعلیم کے سب سے بڑے نیٹ ورک کے طور پر فعالیت انجام دے رہا ہے ۔ 
ڈاکتر طالبی نے آستان قدس رضوی کے قرآنی مرکز کے اراکین اور خادمین کا شکریہ ادا کرتے ہوئے کہا کہ قرآن و عترت پر توجہ دینے کے لئے حرم امام رضا(ع) بہترین مرکز ہے اور بچے اس نورانی اور ملکوتی فضا میں پیامبر اعظم(ص) کی ان دو گرانقدر میراث پر عمل کرنے کا عہد کرتے ہیں ۔
واضح رہے کہ رواں سال کی تقریب آستان قدس رضوی کے قرآنی مرکز کی جانب سے منعقد کی گئی ، یہ تقریب بچوں اور نوجوان شہداء خصوصا میناب اسکول کے مظلوم شہداء کی یاد میں منعقد کی گئی ، اس تقریب میں شہداء کے معزز گھرانوں نےمہمانان خصوصی کے طور پر شرکت فرمائی۔